Kiriya kibazo Jessica yavuze kerekeranye na za AERG, abahutu batinyaga kukivuga ngo abatutsi batabita abahezanguni nuko bakitwa abanyamoko. None dore bivuzwe n’umututsikazi, maze abahutu bose bahagurukira rimwe batangira kukivugaho!
Uzi impamvu se abahutu batinyutse? Nuko Jessica yabamaze isoni, maze abivugira mu ruhame bityo kubivuga ntibikiri imvugo y’abahezanguni, niyo mpamvu buri muhutu ipfunwe ryabyo ryashize, kuko RPF ikoresha ipfunwe ry’abahutu mu kubakandamiza.
Kuko RPF yamaze igihe kinini cyane yigisha ko abatutsi bagomba kurya bonyine kugeza mu bwonko bw’umuhutu hinjiyemo ko umututsi agomba kurya umuhutu amukanuriye amaso, ndetse n’umututsi iyo ari kurya wenyine yumva bikwiye kandi bitunganye. Ibi byose byahindutse ukuri muri twe!
Iyo bigeze aha abantu bose baba barwaye ku buryo wawundi muzima iyo abyinubiye ariwe witwa umurwayi, nka biriya intore zakoreraga Jessica zimuhindura ruvumwa ngo akoze ishyano kandi abavuze ibibazo ahura nabyo nk’umurezi!
Umuhutu nawe bimusaba ubutwari kuvuga ko akorerwa ivangura, kuko aba yarabwiwe ko yanga abatutsi, ko agira ishyari, ko ari umwicanyi, bityo uduhutu twinshi tuba dufite udusoni ko nidutunga abatutsi urutoki, baratwita uduhezanguni, nuko utwo duhutu tugaceceka, tukarebera akarengane.
Uzi kubwirwa ngo ufite urwango kandi ntarwo ufite ndetse nta bugome ubundikiriye ukuntu biryana? RPF ikoresha ubwo bumuntu buri mu bahutu ibacecekesha! Nuko umuhutu ati, reka mbumbe ibi binwa byanjye bikini bya gihutu, ntabibumbura bakongera bakankorogoshora mu mutima ngo nanga abatutsi. Nuko agahutu kakibumbira ibinwa byako erega!
Ibi muzabibona intore zigerageza kumbwira ngo mvuga ku moko cyane, ndi umuhezanguni, ndigisha ivangura, kugirango bintere isoni, binkomeretse, maze ndeke kuvuga ku bibi bibera mu Rwanda byahinduwe ukuri, hakabura ubitunga agatoki, kubera ipfunwe! Iyo strategy ikora cyane ku muntu udafite urwango ariko wifuza ko aceceka, kuko udafite urwango ukabiharabikwa, biragukomeretsa, bityo ugaceceka ngo udakomeretswa!
Nyabusa Jessica we, warakoze gukiza uduhutu ipfunwe! Ubu noneho turi kuvuga nta pfunwe, nta n’impungenge ko batwita uduhezanguni kandi tuvuze ukuri!
Jessica naragukunze pe, duhuye naguha ka kiss sha! Ufite n’iminwa myiza hahirwa uwo uyitamika sha!
Yari njye umugabo mu bandi!
Abanzi neza banyita Gishegesha cyashegeshe ibinyoma kibihindura ubushwanyagurike!
Be the first to comment